بسم الله الرحمن الرحيم
صباح الخير على كل شباب المنتدي وارجو المشاركه برايكم في الموضوع اصل الموضوع يهمنا كلنا واكيد في ناس كتير اتعرضت له .
في البداية انا شاب عندي (25) سنه واعمل في السعودية منذ حوالي ثلاث سنوات كان لي حب قديم بمصر بس محصلش نصيب وتقريبا هي كمان اجوزت دلوقتي بس انا خلاص بالنسبة ليا نسيت الموضوع ده بس مشكلتي دلوقتي اني بعد حوالي سنتين ونص هنا في السعودية اتعرفت على بنت في احد المنتديات اكلمت معاها عجبني تفكيرها في البداية كملت معاها فترة نكلم مع بعض كل دا وانا لا شفتها ولا سمعت صوتها بيني وبينكم اتعلقت بيها من قبل ما اشفها وبعدين صرحتلها اني بحبها وهي كمان قالتلي انها بتحبني فطلبت منها اني اشوفها وفعلا شفتها وعجبتني اكتر وعجبني شكلها واتعلقت بيها اكتر وهي كمان اتعلقت بيا وحبينا بعض قوي وبتصل عليها في التلفون كل يوم وانا واخد الموضوع جد فعلا اني اخطبها واجوزها وهي كمان وحاليا عايشين احلا لحظات في عمرنا ، بس المشكلة اني خايف اني الطريقة اللي اتعرفت عليها بيها تأثر عليا في المستقبل وانا راجل بحب الالتزام وهي بصراحه ملتزمة جدا وقالتلي اني اول حب في حياتها وهي شكلها بصراحه خجوله جدا واصدقها انها عمرها ما اتعرفت على حد وانا متشجع جدا اني انزل مصر واول حاجة اعملها اني اروح اخطبها بس عايز اعرف ايه رايكم هل الطريقة اللي اتعرفت بيها على النت حتسببلي مشكلة في المستقبل وهي كانت بالصدفة جدا لانها كانت كاتبه رد في موضوع وعجبني وحاولت اني اتعرف عليها في البداية بس الموضوع اتطور بسرعه واصبح حب وحب جامد قوي فمش عارف انا لو كملت معاها واجوزتها مش حفكر ازاي اتعرفت عليها ولا انسى الطريقة اللي اتعرفت بيها عليها وعلاقتنا من اول ما اتعرفت عليها الحمد لله في تفاهم وحب ملهمش حل ارجو المشاركة برايكم
موضوع: اتعرفت عليها على النت وناوي اجوزها فهل دا صح ام خطأ 
الخميس مايو 15, 2008 8:15 pm
